Dështimi i 52-të për konstituimin e Kuvendit të Kosovës ka shkaktuar reagime të ashpra nga përfaqësuesit diplomatikë të Bashkimit Evropian, Gjermanisë dhe Britanisë së Madhe në Prishtinë, të cilët e kanë cilësuar situatën si të papranueshme dhe zhgënjyese për qytetarët.

Ambasadori i BE-së në Kosovë, Aivo Orav, pas përfundimit të seancës së së premtes, theksoi se “Kosovës i duhet një Kuvend sa më shpejt” dhe nënvizoi nevojën urgjente për një qeveri të re, e cila do të forconte marrëdhëniet me Brukselin.

“Një qeveri e re që do ta ndërtojë një urë të re dhe të fortë mes Kosovës dhe BE-së. Ne erdhëm me shpresë të madhe këtu dhe fatkeqësisht asgjë nuk ndodhi sërish. Kosovës i nevojitet një Kuvend menjëherë, i duhet një qeveri e re që do ta ndërtonte një urë të re të fortë mes Kosovës dhe Brukselit që ta përshpejtojë rrugëtimin e sa drejt BE-së”, ka thënë ai./Arbresh.info